يا ساكن في قلبي وين اجار السكن
هاتو قبل ما تكثر عليك الديون
هاتو نقد ولا شَيّ يساوي الثمن
بعض الناس مثلي باللي يجي يقبلون
يا ساكن فؤادي والحشى لك سكن
ما بسمح لغيرك فيه انا يسكنون
ما حبيت غيرك يا ظريف البدن
وش الغير عندك يالغضي با يكون
خذت الحب كله والموده معن
واللي ملك يدي لو طلبته يهون
حاضر يا حبيبي ماتريد وتمن
واهل الحب لو بارواحهم يفتدون
من بُعدك عيوني ما تذوق الوسن
طول الليل ساهر ماغمض لي جفون
في قربك انا باعيش طول الزمن
ليت اهل الهوى والحب يتخيرون